إذاعة صوت الأمل الدولية الدولية international Voice Of Hope Radio
مراتك مش سايبة بيت ابوها عشان تيجي بيتك تخدمك و تكنس و تمسح و تغسل و شكراً علي كده!
هي سايبة حضنهم عشان تروح لحضن تاني يدفيها فوق دفا حضن اهلها.. حضن هي اختارته بنفسها عشان تترمي فيه و يحس بيها .
سابت اهلها عشان تلاقي معاك السند و الحب و الاحتواء من حد ارتاحتله و حبته من قلبها.
و ساعتها هتراعي مصالحك بعنيها من غير ما تطلب، هترضيك علي حساب راحتها من كتر حبها ليك.
مراتك متجوزتش عشان تصرف عليها و تبقي شايف نفسك كده قايم بدورك و زيادة !
مراتك كانت واكلة شاربة نايمة معززة مكرمة في بيت اهلها … مكانتش مستنية الجواز عشان تعيش عيشة كريمة..
مراتك سابت كل ده عشان عايزاك.. شافت فيك الراجل اللي تتحامي فيه و تديله حبها من غير ما تخاف من حاجة..
الستات بتتجوز عشان تلاقي السكن و المودة و الرحمة و لو ملقتهمش مش هتتجوز و لو اتجوزت و ملقتهمش هتعيش تعيسة حتي لو عايشة في اغلي قصر !
في رجالة لما زوجاتهم يشتكوا من جفاء علاقتهم سوا يقولولك ما هي بتاكل و بتشرب و عايشة حلو ! اعملها ايه تاني؟
انت لما بتأكلها و بتشربها فا ده حقها عليك مش فضل منك تذلها بيه كل شوية !
مراتك مش جاية تعيش معاك بلقمتها!!!!!
مراتك ممكن تسيب عشانك بلدها و شغلها و بتتغرب و هي راضية عشان تبقي جنبك..
دورك تبقي اهلها.. سندها.. حبيبها
عشان هي لما سابت اهلها اتعشمت انك هتكون كده و آمنت انك كل حاجة في دنيتها…..اي انسان بامانة لو عرف ازاي يحترم مراته..وعرف ازاي يحتويها..ويحسسها بكيانه..بامانة كل انسان هيبقي سعيد مع مراته..ونسب الطلاق هتقل…معلش الوحده حقها في الراجل اللي اختارته دون عن الناس ضايع….المرأه محتاجه حب اهتمام..احتواء رومانسيه خد رايها اتكلم معاه ما تحاولش تقلل من شاءنها بامانة الإنسان مش بيحس بالحاجة إلا لما تضيع منه…ومن خسر حب امرأه مخلصه بامانة يبقي خسر حياته كلها..ياريت كل واحد يفهم ويتعلم..وكلام ربنا لو اتعلمنا الاخلاق ديه مش هيبقي في ظلم..ولا اهانه..ولا طلاق بالعكس هيكون ربنا كرمنا في حياتنا …..المرأه امي وامك واختي واختك…..ياريت نراعي ربنا ونتقي ربنا فيهم
كن رجل لها لا عليها
الحب هو جوهر المسيحية ???
القس / مجدى خلة
فايبر وواتس اب
009647502720873
