إذاعة صوت الأمل الدولية الدولية international Voice Of Hope Radio
شايف الممثله اللي بتضحكك هناك دي و بتحسدها علي روقان البال..اهي دي عندها ابن معاق ١٠٠% ..تشيل شيلتها؟
طيب ايه رآيك في البنت اللي نفسك تكوني في حلاوتها و حب الناس ليها..اهي دي اغلي حد عندها مات فجآة..تشيلي الشيله دي؟
طيب شايفه البنت الغنيه دي اللي هناك اللي عايشه اميرة …اهو جوزها بيخونها كل يوم…تبدلي؟
طيب شايفه اللي حوليها اصحاب كتير دي و بتشتغل و نفسك تكوني حرة زيها من غير مسؤليه…اهي دي الوحيد اللي حبته طلع غدار وخاين و عاشت بصدمتها..حلوة معاكي دي؟
طيب اللي بعيدة دي اللي جسمها و شخصيتها يجننوا…نفسها تكون ام و مش عارفه..تاخدي جسمها؟
خلاص تاخدي اللي جنبك دي اللي ربنا رزقها بعيال زي القمر..اهي دي جوزها مات فجآة و سابها مش عارفه تربيهم ازاي و هي في عز شبابها..تيجي مكانها؟
كل واحد فينا واخد نصيبه من الوحش و الحلو..الوحش اللي عندنا و شايفينه هو بس..اللي قدامنا شايف الحلو اللي جنبه و مش حاسين بيه
الشيله بتتشال كلها..و لو انت زعلان من شيلتك الوحشه شوف الوحش اللي عند الناس و احمد ربنا
جاتلك في فلوس..في جواز ..في خلفه ..في اي حاجه..بس ربنا معوضك غيرها كتير..ارضي و احمده من قلبك هيرضيك
مش شرط يرضيك باللي ناقص ماهو جايز مش خير ليك..بس يمكن يرضيك انك ترضي
شوف الوحش اللي عند اللي قدامك هتعرف انك في نعمه السر فى الرضا
القس / مجدى خلة
فايبر وواتس اب
009647502720873
