الكنيسه الان

? الكنيسه مش محتاجه وعاظ منابر وناس بتعرف تتكلم حلو ..
ولا خدام قافلين علي نفسهم وشايفين ان الخدمه قصه و ترنيمه واجتماع كل اسبوع

ولا كهنه مبيخرجوش من اوضة الاعترافات ولا بيقوموا من ع الفيس وفكرينها خدمه ..

ولا انشطه ورحلات و مباني وتعمير ف الحجاره وبس ..

? الكنيسه محتاجه اللي ينزل من ع المنبر و يدخل سفن الصيادين الغلابه اللي الدنيا واخداهم ..

? الكنيسه محتاجه اللي يدخل بيت العشار المكروه من الناس ويقسم اللقمه معاه ..

? محتاجه اللي يسيب ال 99 خروف ويجري وسط الجبال ورا الخروف الوحداني اللي ضل ..

? محتاجه اللي يكنس البيت شبر شبر لحد ما يلاقي الدرهم اللي ضاع ..

? محتاجه الي يفتح حضنه للابن الضال اللي جاي من بعيد مكسوف .. وميقفلش الباب ف وشه

? محتاجه اللي يقعد يفضفض مع السامريه ويبصلها من جواها ..

? محتاجه اللي يسند ضعف بطرس حتي لو انكر ايمانه .. ويشجعه لحد ما يخليه صياد للناس

? محتاجه اللي يقرب يوحنا من صدره ويديله مشاعر وحب واهتمام،،

? محتاجه اللي ييجي مخصوص ل توما اللي قلبه شك .. و يعمل منه رسول عظيم ،،

? محتاجه اللي يعاتب شاول بمحبه .. ويصبر عليه لحد ما يبقي بولس ،،

? محتاجه اللي يبكي علي لعازر لأنه انتن .. ويمد ايده يطلعه من قبر الخطيه ،،

? محتاجه اللي يوطي ويغسل أرجل المخدومين وبكل تواضع و محبه ..

? محتاجه اللي يستر ع الزانيه ويطبطب عليها ويكسبها ينظرة حب و عتاب : متعمليش كده تاني ،،

? محتاجه اللي يقعد وسط الاطفال ويلعب معاهم و يلمس تفاصيل روحهم ..

? محتاجه اللي يقف ف ضهر المريمات و يكون راجلهم و معين ليهم ومعلم ..

? محتاجه اللي يفضي نفسه ويروح ل بيت مريم ومرثا .. وكأنه صديقهم الشخصي ،،

? محتاجه اللي يمسك سوط ويطرد كل اللي بيدنسوا الهيكل ..

? محتاجه اللي يطهر ويبرر ويحرر .. ويجول يصنع خير ،،

? محتاجه اللي يقف قدام هيرودس ويعلن ايمانه بكل شجاعه ..

? محتاجه اللي يبعت تلاميذه لكل مكان .. ويقبل الفلسين ب رضا .. وقصبه مرضوضه لا يقصف وفتيله مدخنه لا يطفئ ،،

? محتاجه الراعي اللي يبذل نفسه عن الخراف .. ويسلم نفسه للموت من أجل أحبائه ،،

? محتاجه اللي يعيش وسط الناس .. لامس همومهم وحاسسها ،،

? الكنيسه محتاجه اللي يحس .. و يسند .. ويشفي .. و يهتم .. و يقوي .. و يطبطب .. و يرشد .. ويعلم .. ويحب للمنتهي ياريت نهتم وندور على اولادنا اللى بعدوا عن الكنيسة
♥️? الكنيسه محتاجه خدام ورعاه زي الراعي الأعظم ?♥️
القس / مجدى خلة
فايبر وواتس اب و الايمو
٠٠٩٦٤٧٥٠٢٧٢٠٨٧٣

Comments

comments