إذاعة صوت الأمل الدولية الدولية international Voice Of Hope Radio
ملاحظات فيسبوكية
١ – مش كل اللي بتشوفه أو بتشوفيه على الفيس بوك حقيقي بل بالعكس ٩٠ % منه كذب وتمثيل ومجرد صور بتنزل بتجسد لحظة من الزمان وليس طول الوقت.
٢ – في ناس بتنزل صور وتشاركها على الفيس بوك لاحساسها بالاحتياج الشديد للمدح والتقدير من الناس فبتشحت ده من التعليقات بتاعة الناس والتعليقات بتفرق معاهم نفسيا جدا وحجبها بيضايقهم جدا.
٣ – اعرف ناس ( رجال) تخصص تعليقات على صور البنات والستات فقط وليس للرجال ودول طبعا معذورين لأن ده تخصصهم والتخصص يحكم.
٤ – في ناس لما انت بتكتب حاجة قيمة وليها معنى وتعجبهم مستحيل يعمل لك لايك أو يعلق على بوستاتك ودول تقريبا عندهم حاجة في نفسهم الله يعلمها.
٥ – في ناس أصدقاء على الفيس بوك مشفتهمش من ساعة ما قبلت طلب الصداقة بتاعهم ومن ساعتها معرفش عنهم حاجة علشان محدش يسألني عنهم.
٦ – الناس اللي بتنزل السفرة وهي مليانة محمر ومشمر
( أنا معرفش يعني ايه مشمر غير اللي مشمر كمامه) أرجوكم استتروا لأن في ناس كتير اوي عندها قليل خالص وحامدين ربنا عليه وصوركم بتعمل مقارنات وبتتسبب في مشاكل أسرية كبيرة.
٧ – الحب بين الزوج وزوجته ليس مكانه الفيس بوك لكن ممكن يُعلن علي الفيس بين الحين والآخر لكنه مش مكانه وأنا أعرف ناس عن قرب بينهم ما صنع الحداد ويتبادلون الهسوكة والحب علي الصفحات الفيسبوكية قدام الناس وما خفي كان أفظع.
منقوله
القس / مجدى خلة
فايبر وواتس اب
009647502720873
