ولا موسي ولا ايليا؟؟؟

ليس دعوة للتمرد?
لكنها دعوة لتصحيح المسار?
كام مرة عينيك كانت على البشر، وعلى رأسهم?
رجال الدين، قساوسة، كهنة، خدام،
وكام مرة ممكن تكون أتعثرت أو اتجرحت،? أو إنك قررت تترك مكانك في الكنيسة أو الخدمة بسبب موقف أو كلمة من راعي أو خادم أو كاهن، ? مش بقلل من جرحك أو بقول إن الراعي إو الكاهن إو الخادم ميخدش باله من كل حاجة، ولكن، في يوم من الأيام طلع الرب يسوع هو وبطرس ويعقوب ويوحنا لقمة الجبل،? وظهر موسى وإيليا، وبطرس في حماسه قال نعمل لكل واحد منهم خيمة، ?ليسوع واحدة، ولموسى واحده، ولإيليا واحده، طبعًا بطرس وكل اليهود كانوا عارفين قيمة موسى وايليا، إيليا كان نبي عظيم وصعد في مركبة من نار?، وموسى كان بيكلم الله وجها لوجه ?، لكن العجيب أن التلاميذ سمعوا صوت من السما بيقول:
(«هذَا هُوَ ابْنِي الْحَبِيبُ. لَهُ اسْمَعُوا» لو 9: 35) كمان مكتوب (فَرَفَعُوا أَعْيُنَهُمْ وَلَمْ يَرَوْا أَحَدًا إِلاَّ يَسُوعَ وَحْدَهُ.
مت 17: 8)
يعني نزل عينيك من على موسى وإيليا وكمان الراعي والخادم والقسيس والكاهن، واسمع بس ليسوع وشوف بس يسوع وركز بس مع يسوع
وأفتكر دايما ان الراعي مش سوبر قسيس ليه عيوبة وضعفاته وأخطائه زي ما موسى وإيليا ليهم عيوب وضعفات وأخطاء.
? لو عايز تكمل صح في حياتك، لاتسمع ولا تشوف لغير يسوع، ده مش معناه انك تتمرد على الراعي والخادم والقسيس والكاهن، بالعكس كلمة الله بتعلمنا نحترمهم، ولكن ده معناه انك تصحح مسارك، المشاكل كلها بتيجي لما نحط عنينا على البشر.
القس / مجدى خلة
فايبر وواتس اب
009647502720873

Comments

comments