نصيحة لكل زوجة ملكيش غير جورك

الى كل زوجه وكل أم وكل جده … كلمات إسمعيها كويس…

??جوزك بيرجع تعبان
جوزك بيرجع زهقان
جوزك بيرجع مطحون
جوزك بيرجع شايل هم بكره مش بيعرف ينام

جوزك لو رجع ونام بينام ودماغه صاحيه وشايله هم بكره
جوزك ممكن ف يوم مايرجعش
جوزك ممكن فيوم ينام ميصحاش
جوزك سندك بعد ربنا

جوزك ممكن تشوفيه بعين تانيه
العين اللي هو عايش بيها
العين اللي كلها تعب وشقا وعرق ومجهود ومناهده وكفاح ومرمطه وايدين شاقيانه
علشان اديكي تكون ناعمه علشان اولادك يكونو مبسوطين

جوزك ممكن يدخل عليكم ف ايده طلباتكم
مش مستني غير تاخدي من ايده اللي شايله بابتسامه
هو كده بالنسباله تعب اليوم كله راح من الابتسامه

جوزك ممكن يدخل البيت ملهوش اي طلبات غير الجزء الصغير من البيت اللي هو واقف سانده بضهره وبتعبه وبشقاه وبصحته وبعمره مش عايز غير حته ينام فيها علشان ينزل يكمل تاني يوم

جوزك سترك جوزك غيابه عنك هو غياب روحك

تخيلي ثانيه انه رجع ايده فاضيه فطلبتي وقال مفيش ساعتها هو اخد مليون سكينه فقلبه وفة كرامته
تخيلي اولادك قالوا محتاجين شئ هو مش قادر عليه
تخيلي احساس الكسره فى قلبه ايه

جوزك مربوط فى الدنيا لتلبيه طلباتكم
ممكن يرجع جايب لكم اللي بتشتهوه وهو ما أكلش شئ وهينزل تاني يوم ومش هيدوق شي من اللي جابه من تعبه وشقاه المهم ان طلباتكم حضرت وانكم مبسوطين

اضحكي ف وشه متكونيش هم علي همومه
علشان يقدر يعافر علي همومه

هي دي الست السند

تخيلي انه مجاش
تخيلي انه مصحيش

تخيليها دقيقه وشوفي سقف الستر اللي هيتشال يساوي كام
هاينام زعلان فى مره مش هيصحي
هاينزل شايل الهم فى مره مش هيرجع
هايتعصب في مره يجراله حاجه

صدقيني محدش هيخاف عليكي وعلي بيتك واولادك ولا يهتم ولا يجيب طلباتكم غيره .. اياكي تكوني هم علي همه

الايام دلوقت صعبه كوني سند ومتكونيش شوكه في ظهره اللي بيتكسر كل يوم..

خواطر ونصائح زوجه اعجبتنى … ايه رأيكم…
منقولة
القس / مجدى خلة
فايبر وواتس اب
00201157683231

Comments

comments