Home / لما يعجز البشر / اخواتك بعتهوملك

اخواتك بعتهوملك

FB_IMG_1599293859620.jpg

خادم بيعدي على البيوت ويقول ياجماعه اللي عنده لبس او اي حاجه مش بيستخدمها يجمعها علشان هناخدها ونوزعها على المحتاجين
وفعلا بدأت الأسر تستجيب وجمعت اللي فيه النصيب
وبدأ الخادم يمر على البيوت ياخد منهم الحاجات اللي جهزوها ونزل يوزعهم على المحتاجين
واثناء مروره على احد البيوت لتوزيع الخير اللي معاه
لقى محفظة صغيره عليها رسومات كارتون
فأداها لبنت صغيره وقالها اخواتك باعتينلك دي
فرحت بيها جدا وفتحتها علشان تحط فيها جنيه كان معاها
فلقت فيها 7 جنيه كلهم جنيهات
فراحت للخادم ده وقالتله انا لقيت فيها فلوس وتقريبا اخواتي نسيوا يشيلوا فلوسهم منها
فالخادم قالها حلال عليكي
قالتله لا اكيد اتنسوا .. واصرت تديهم للخادم
الخادم خد الفلوس منها
وبعد ايام راح للأسرة دي قالها انتوا نسيتوا الفلوس دي في المحفظة اللي كنتوا اديتوهالي
فالأم قالتله احنا مديناش محافظ
فجت بنتها الصغيره وقفت جنبها وقالت
انا ياماما حطيت محفظتي في الشنطه من غير ماقولك علشان الكتاب بيقول
لا تعرف شمالك ما تعطيه يمينك .. وانا محبتك اعرفك
فقالتلها طيب انتي نسيتي فيها فلوسك
قالتلها لا .. انا سايباهم علشان اللي هياخدها فاضيه هايعمل بيها ايه !!

الأم والخادم بصوا للبنت في ذهول رهيب واتعملوا درس استحاله ينسوه
درس عن الامانه من البنت اللي اخدت المحفظة
ودرس عن العطاء في الخفاء من البنت اللي اعطت المحفظة
القس / مجدى خلة
فايبر وواتس اب
009647502720873

Comments

comments

Check Also

كنيسة يسوع؟؟؟!!!

كنيسة يسوع !! ? جاء للكنيسة شخص بهيئة فقيرة بدا انه متشرد .. تجول حولها …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55