اشكر ربنا

حاسب فرحتك باللي عندك تهرب منك..
لو نتعلم نفرح باللي بين ايدينا و نستمتع بيه ، و نبطل نبص للي مش عندنا ، ما كانش حد تعب و لا عاش متضايق ..

طبعا من حقك تحلم و يبقي عندك طموح ، بس اسمه طموح “الراضي” و “الشبعان” ، مش طموح الحاسد الطماع !!

ولكن يبدو أن كلنا غلب علينا الطمع ..

علشان كده احنا تعساء برغم النعم اللي بين أيدينا ..

اللي عنده عربية لا يستمتع بها ، وإنما بيبص في حسد للي عنده عربية أغلي و اكبر ، رغم أن بعض الناس مش ما عندهاش عربية تركبها، ما عندهاش أصلا “حذاء” تلبسه ..

و اللي عنده شقة يبكي على حاله، لأن جاره يمتلك شقة أكبر ..
و اللي عنده بيت بيموت من الحقد والغيرة لأن اللي جنبه عنده فيللا ، و بين ده وده فيه ناس اساسا نايمة علي الرصيف ..

و اللي عنده زوجة جميلة بدل ما يفرح بيها يتركها و يشتهي زوجة حد تاني ..

وفي النهاية يسرق بعضنا بعضاً ، ويقتل بعضنا بعضاً حقداً وحسداً، و نتبطر علي كل عطايا الله و خيره ، و هو بس اللي بيوزع الأرزاق و يقسمها ..

الحقد والحسد هو الدافع الحقيقي وراء كل الحقد و الخناقات و السرقة و الانتقام ..

لو إرتفع راتبك مرتين ح تبص للي أجره زاد ثلاثة مرات ؛ و الواحد ممكن يعيش باللي في ايده ..

و العجيب ان فيه نوعية كل ما تكسب تصرف علي مزاجها و شهواتها، و تلاقيها بتحرق فلوسهها سجاير و تفاهات و مظاهر كاذبة ..

و الاعجب أن فيه نوعية تانية اللي تكسبه تقعد تحوشه و تخبيه لا تفرح بيه و لا تفرح بيه حد ..

أنت اسعد ملك لو عرفت تفرح باللي تملكه لان ح تلاقيه مكفيك و فايض ..
و ح تبقي أتعس واحد لو ما كانش عندك الرضى والقناعة باللي ربنا وهبه لك ..

يبقي اجتهد علي قد ما تقدر ، و بعدين ارضي و اشكر علي قد ما تقدر ..

انما ابدا اوعي تبص للي عند غيرك و تحسده، لتروح منك فرحة اللي عندك ..
القس / مجدى خلة
فايبر وواتس اب
00201157683231

Comments

comments