إذاعة صوت الأمل الدولية الدولية international Voice Of Hope Radio
إيه فايدة إني أنتقد فستان واحدة صاحبتي بعد ما نزلنا الفرح خلاص حتى وإن كان رأيي صح ؟
إيه فايدة فلسفتي بالتصحيح على أكلة اتعملتلى بعد ما اتعملتلى بكل تعب وحب حتى وإن كان رأيي صح ؟
إيه فايدة تأنيبي لشخص على خطوة ما فحياته هو already أخدها خلاص ؟!
اللى انتقدت فستانها علشان ذوقها فلت منها فعلاً مكانش نقدي بناء علشان عايزة مصلحتها هي خلاص اتنكدت طول اليوم وفقدت الثقة فنفسها وفذوقها .. كان ممكن أقول رأيي لما تسألني هي فوقت غير خالص الوقت اللى مفيهوش رجعة ..
واللى عيبت ع أكله مكانش مجبر يقف يعملهولى ويحطه بنفس راضية علشان أطلع فيه القطط الفطسانة وأقول رأيي اللى ملهوش تلاتين لازمة فموقف بردو مفيهوش رجعة ..
..
ونقيس ع دا كل حياتنا ..
طالما مش هيفيد بحاجة النقد ومفيش فالقرار رجوع فما النقد إلا تجريح وتأنيب وتسخيف عالغير .. أما مقولة دانا عايز مصلحته وبقوله عشان بحبه دي خليها لخالتك ?
القس / مجدى خلة.
