Home / لما يعجز البشر / تأثير زوجة الابن

تأثير زوجة الابن

FB_IMG_1591807136236.jpg

تأثير زوجة الابن

ابن والده توفى وهو عنده اربع سنين
الام بقت ابوه وامه واخواته
ماحرمتوش من حاجة
مرتبها على معاش جوزها
كان مكفيين انهم يعيشوا عيشة كريمة
.
باعت حتة الارض اللى ورثتها من جوزها
اشترت شقة لابنها ف مكان حلو
والباقى عملت بيه وديعة
وقالت دول ينفعوه لما يكبر
علشان يجوزوه جوازة تشرفه قدام نسايب ((( المستقبل )))
.
تعدى الايام وشريف يكبر ويتخرج كمان
اشتغل محاسب ف شركة كبيرة
مرتبه كان معقول
حب واحدة زميلته ف الشغل .. اسمه سمر
وبالفعل اتجوزوا
فلوس الوديعة كفت وزيادة
دا غير ان الشقة اللى اشترتهالوا زمان وفرت كتير
وامه كمان كانت محوشة قرشين
حجزتله بيهم شهر عسل فى اوروبا
.
وجه اول مولود .. سموه امجد
وزى ما بيقولوا .. اعز الولد ((( ولد الولد )))
كانت جدته طايرة بيه
راحت باعت كل الدهب اللى حيلتها
جابتله خواتم دهب ولعب كتير
واشترتله بالباقى شهادات استثمار له
.
سمر على اد ما كانت متضايقة من وجود حماتها
بالشكل الكبير دا ((( بحسب تفكيرها )))
لكن كانت ساكتة
علشان حماتها كانت شايلة النونو بكل طلباته
بتغيرله وبتحميه وكمان كانت بتنضف البيت وتعملهم اكل
.
عدت كام سنة والام طلعت على المعاش
امجد كبر وبقى عنده ٣ سنين
معاملة سمر بدأت تختلف تماماً
زعيق ف الولد طول الوقت علشان متعلق مع جدته
وكمان زيارتهم ليها كانت بضايق سمر جداً مع كتر الوقت
ولما كانت بتروحلهم كانوا بيعاملوها وحش
خافت شريف ياخد باله ويضايق مراته بسببها
بس مع الوقت خدت بالها انه واخد باله
وواخد باله قوى كمان ومش فارق معاه
تقريباً كدة مش معتبرها موجودة ف حياته
ولا كأنها امه
.
قررت انها مش هاتروح بيت ابنها تانى
قالت طالما مرات ابنى بتتضايق من وجودى
انا مش هاروح
وانا لما اوحشهم اكيد هاييجوا يزورونى من نفسهم
.
شهر ف التانى ف التالت
ماحدش بيجيلها وكل ما تتصل تسأل
الكلام يكون قليل .. والحجج ((( ظروف الشغل )))
كانت هاتموت من جواها .. نفسها تشوف ابنها وابنه
.
بعد خمس شهور اخيراً شريف جالها
بتسأله مجابش امجد ليه
قالها هاجيبهولك .. بس خلينا ف المهم
.
انا مسافر فرنسا انا ومراتى وامجد
ليه واحد صاحبى هناك هاشاركه ف مشروع
بعت شقتى علشان اكمل راس المال
وعرفها كمان
انه بالتوكيل اللى معاه باع الشقة اللى هى قاعدة فيها
وفهمها طالما هو مسافر يبقى مش هايرتاح وهي لوحدها
فحجزلها ف دار مسنين
((( الحقيقة هو كان كل اللى يهمه تمن الشقة )))
بلغها تجهز نفسها
علشان خلال اسبوع بالكتير
المالك الجديد لازم يستلم الشقة
ومشى حتى من غير ما يقولها سلام
.
الصدمة دخلتها ف حالة ذهول
مش مستوعبة اللى بيحصل
بقلب الام قالت
يا رب تكون فتحة خير عليك يا ابنى
وبعدين وماله .. دار مسنين دار مسنين
عالاقل هالاقى فى ناس هناك حوالين منى
اتعامل معاهم بدل الاربع حيطان دول
كانت بتضحك على نفسها علشان تهون صدمتها
.
.
سافر ابنها بمراته وابنه
سافروا من غير ما يسلموا عليها
هو مكانش قاصد .. هو اصلاً مكانش فاكر ان ليه ام
….
سنة ف التانية ف التالتة ومفيش سؤال
جابوا بنوتة صغيرة وجدتها ماتعرفش
.
.
فى مجموعة شباب بيزوروا الدار
ويخدموا الناس هناك .. عرفوا حكايتها
فضلوا ورا شريف لحد ما عرفوا يوصلوا لرقم تليفونه
كلموه وادولها التليفون
((( انا اسفة يا ابنى انى بازعجك .. بس انت وحشتنى خالص
.. ازايك وازاى سمر وامجد .. يااااه طيب حلو قوى ربنا يخليهالك .. وتفرح بيها هى واخوها .. طيب عاوز اشوف صورها…..معلش يا ماما انا في الشغل دلوقتي )))
قفل السكة وقالها مشغول
قالت للشباب
بيقول انه جاب اخت لأمجد
اكيد هايكلمنى تانى ويبعتلى الصور
.
.
بساطتها وطيبة قلبها كانت محببة كل الناس فيها
12 سنة عدت عليها كأنهم مليون سنة
هاتموت وتشوف ابنها وعياله
كانت بتكلمه كل فين وفين
بعد الشباب ما كانو بيتحايلوا عليها
كانت خايفة تضايقه وتقولهم .. بلاش لا يزعل
.
((( يا ابنى انا باتحايل علشان تبعتلى بس الصور
نفسى اشوفهم قبل ما اموت…. معلش يا امي ظروف شغل )))
مابتلحقش تكمل كلامها والرد دايماً ثابت
معلش ورايا شغل .. هابقى اكلمك بعدين
بس بعدين دا مابيجيش ابداً
.
.
((( تليفون شريف رن )))
نده على امجد عشان يجيبله التليفون
اكتر من مرة ومفيش رد .. طلع قاله انت مش سامعنى
امجد بيلعب عالتليفون ومابيردش على باباه
شدوا مع بعض .. امجد وقف وزعق ف باباه
شريف / انت كمان بتزعق فيا
((( تليفون شريف لسة بيرن )))
جات سمر على صوتهم العالى
شريف راح خابط امجد ف كتفه وضربه
وقاله صوتك مايعلاش تانى
امجد قاله ماتمدش ايدك عليا
شدوا تانى مع بعض والخناقة بدأت تكبر
راح امجد بكل عزمه كان ايضرب ابوه بالقلم
ابوه مسك ايد أمجد ومكنشي متخيل وبق
في حالة صمت سيطرة عالمكان ل لحظات
انقطعه صوت تليفون شريف ((( اللى مابيبطلش رن )))
شريف مش مستوعب اللى بيحصل
سمر طلعت جرى حضنت امجد
وبصت لشريف وشاورتله امشي
وقالت بتمد ايدك علي الولد ليه اوعى تمد ايدك عليه
شريف باصصلهم ومفيش اى رد فعل
قالت سمر لامجد ادخل اوضتك
وقالت لشريف بزعايق .. اياك اشوفك بتزعق فيه تانى
برضه مفيش رد
.
طلع شريف جرى على عربيته
ماشى زى المجانين ف الشوارع مش عارف يعمل ايه
ازاى ابنى يعمل فيا كدة .. هو فى ابن فالدنيا يعمل في ابوه كده انا مش مصدق
بس لما ركز افتكر انه هو كمان ضرب امه بالقلم
اكتر من مرة ومن غير رحمة
مرة لما اهمل معاملتها .. ومرة لما سمح لسمر بسوء المعاملة
ومرة لما بيعها بيتها غصب عنها.. ومرة لما رماها ف دار المسنين من غير سؤال
ومرة ومرة ومرة ………… ومرات كتير
معقولة دا يكون ذنب امى ؟!؟!؟!؟
.
ماحسش بنفسه غير وهو فى المطار
((( اول طيارة ))) وطيران على مصر
مايعرفش كام ساعة استنى فالمطار
مايعرفش الوقت اللى خدته الطيارة كام
ولا التاكسى خد وقت اد ايه على ما وصل لدار المسنين
كل اللى ف دماغه ازاى هايشوف امه
يا ترى هاتسامحه ولا لأ
ولما وصل الدار كانت امه فقدة الحياة 😢
وكانت وصيتها انهم مش يدفونوها لان ابنها راجع يودعها ويدفنها هو 😢 😥😥😥😥
القس / مجدى خلة
فايبر وواتس اب
009647502720873

Comments

comments

Check Also

احتياجات اخوة الرب

أحتياجات أخوة الرب بصراحة الأغلبية تهتم بأخوة الرب من ناحية البطاطين و الملابس و الأكل …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55