إذاعة صوت الأمل الدولية الدولية international Voice Of Hope Radio
تسديد الإحتياجات هناك
عايز أقول كلمة مشجعة لكل واحد إبليس بيهدده بالخوف إنه مش هايلقي يأكل لأن شغله توقف وقعد في البيت أو عنده إلتزامات مادية شهرية أو صاحب عمل بس الشغل بقي قليل. عايز أفكرك
*بغربان إيليا*
اللى كانت في وقت فيه ندرة للمياة وبالتالي مجاعة. الرب أعطي أوامره للغربان وقال لهم عايزكم تخدموا ابني حبيبي خادمي. قالوله هانعمل ايه يارب؟
قاللهم: أنا أمرت بعض الملائكة يجهزوا كل يوم ٢كيلو *
(لحمة مشوية علي الفحم كباب وكفتة ولحمة علي الجريلل وكمان (خبز علي كذا نوع )*
المهمة بتاعتكم توصلوها لإيليا
الساعة ٧ الصبح و الساعة ٧بالليل
قالوله معقول تحركنا كلنا علشان إيليا. قال لهم :
إنتوا ماتعرفوش إيليا غالي عليٌَ أد أيه. وانتوا والملائكة في خدمة أولادي. أنا عايز إيليا يختبر معجزة جديدة إن في وسط المجاعة هاخليه يأكل أحسن أكل وأحسن من الملك آخاب. هللويا. لكن عندي كام ملاحظة :
•الرب غير طبيعة الغربان الخاطفة إلي الأمانة.
•الرب طلب من إيليا أن يذهب عند نهر كريث ليشرب هناك مِنَ ٱلنَّهْرِ. وَقَدْ أَمَرْتُ ٱلْغِرْبَانَ أَنْ تَعُولَه *هُنَاكَ*. ١ملو١٧. كلمة *هناك* مهمة، لأنها بتحدد المكان الذي يريده اللّه أن تكون فيه. الرب قال له أذهب أختبئ. فلو عمل عكس كدا ماكنش هايتمتع بالعناية لأنه خارج المهمة المُكلف بيها (دعوته). الرب قال: ٱطْلُبُوا أَوَّلاً مَلَكُوتَ ٱللّٰهِ وَبِرَّهُ (مشيئته) وَهٰذِهِ كُلُّهَا تُزَادُ لَكُمْ. مت٦: ٣٣. مازال الغراب موجود بس إنت موجود فين علشان يروحلك لأنه واخد العنوان من الله مكتوب عليه مكانك اللي الأصول تكون فيه. كن في مكانك. خدمتك شغلك.
القس / مجدى خلة
فايبر وواتس اب
009647502720873
