خادم الدكك

#خادم_الدكك

مرة واحد راح طلب انه يشترك فى خدمه .. فالخدام اللي فى الخدمه دى سألوه
– بتعرف تخدم بإيه؟؟ تخدم كلمه ووعظ ?مثلا أو دراسه كتاب?
= قالهم لأ مش بعرف
– ليك ف الترانيم ???
= الصراحه لأ
– تقدر تمسك البروجيكتور والأجهزة أو الميديا .. من الآخر ليك فى التكنولوجيا ????
= عمري ما عملت حاجه زى كدة قبل كدة
– طيب ليك ف التمثيل ?
= برضه لا
– آمال جاي تعمل ايه ❗⁉
= قالهم … عايز ابقي فى الخدمه فى بيت ربنا

ابونا قالهم بصوا ده شكله غلبان خلوه يمسك توزيع الكتب قبل الصلاة ?.. قبل دراسه الكتاب ?.. أى ورقيات ف الاجتماع? .. وخلوة كمان يجهز القاعه قبل بداية الاجتماع

فعلا بلغوا الخدام ????..
?? وفرح جدا الخادم البسيط

ومع أول يوم ليه فى الخدمه جه من بدري وجاب معاه فوطه صفراء وقعد يلمع الدكك وينظمها ويلمع الكتب ويوزعها بشكل جميل على الدكك
وسط فرحتة بالخدمة .. كان الخدام ميتين من الضحك علي منظرة بالفوطة ..

الغريب انه ابونا لاحظ أن عدد الاولاد اللي بيحضروا الاجتماع بيزيد تدريجي. .

مع الوقت⌚ … قرر ابونا يضم الخادم البسيط لمسؤليات فى الخدمة .. زى دراسة الكتاب .. الالحان .. الوعظ
لكن لاحظ أن عدد المخدومين بيقل تاني

الخدام قالوا .. أصل الخادم الجديد ده مش محترف خدمة وتلاقي المخدومين زهقت منه ومن وعظه
هو مش ناجح معاهم ..
ابونا قالهم خلاص ارجعوا للجدول القديم .. وهو يرجع لخدمة ترتيب الاجتماع
وابتدى ابونا يركز فى كل تفصيله فى الاجتماع .. لقي العدد بيزيد تاني …
ابونا استغرب

وراح ابونا للخادم البسيط ..
وقاله:
– انت بتعمل ايه بالظبط
= برتب وانظف
– لأ. . بتعمل حاجه غير التنظيف والتجهيز .. الاجتماع بنفس خدامه وبقي لنا فترة طويلة قبل ما تيجي وعندنا مشكلة فى جذب المخدومين للاجتماع .. و من ساعة ما جيت الازمة دى بتتحل. . بتعمل ايه
= طب دة سر يا ابونا .. انا وبنظف الدكك بفضل اصلي للي هيجي يقعد ربنا يحلي الكلام اللي يقرأه من الكتب فى عينه .. ويحلي الكلام اللي يوصل ودنه من أي خادم .. ويدي الاجتماع نعمة فى عينه.

ابونا شكره وقاله يا راجل يا طيب
ماتبطلش صلاة …..
ماتبطلش تنظف الدكك. ..
ماتبطلش تطلب النعم. .??..
القس / مجدى خلة
فايبر وواتس اب
00201157683231

Comments

comments