Home / لما يعجز البشر / درس في الشكر

درس في الشكر

FB_IMG_1592878026670.jpg

زمان لما كنت فى اولى إعدادى ، طلعت معسكر كشافه ، كنا ساعتها فى صيام ، فكان الفطار فول ومربى والغدا عدس او فول بردو..
المعسكر كان حوالى ١٥ يوم …
عدى اول أسبوع والدنيا زى الفل ، فى تانى أسبوع بقى الواحد بدأ يزهق من نوعية الأكل ، ومش انا بس ، تقريباً أغلبنا كده ..
أتكلمنا مع الكابتن وقولناله عاوزين نوعيات تانى من الاكل ،غير الفول والعدس ، خلاص تعبنا جداً منهم ..
فا قالنا احنا فى معسكر فى الجبل ومافيش إمكانيه اننا نجيب اكل تانى ..
المهم تانى يوم احنا مارضناش ناكل من الاكل ده ، وكل واحد ضغط على نفسه واكل اى حاجه ، المهم اننا مانكلش من الاكل ده ونحط الكابتن قدام الامر الواقع عشان يتصرف بأى طريقه ..
يوميها طبعا ماكنش فى موبيلات عشان نتصل بأى حد يبعتلنا أكل ..
هو معسكر فى الجبل وتليفون أرضى للطوارىء على بعد كيلو من المعسكر والتليفون ده ماحدش له حق انه يستخدمه غير الكابتن وبس ..
فا ماكنش قدامنا غير اننا نضرب عن الأكل ..
فى نفس اليوم بالليل أجتمع بينا الكابتن ، وقالنا خبرين
اول خبر ان السوس ضرب الفول والعدس وبوظهم ، وده كان أسعد خبر فى حياتنا لدرجة اننا هيصنا بصوت عالى وقولنا اخيراً خلصنا منهم …
تانى خبر بقى كان صادم وكارثه …
السلك العمومى بتاع تليفون الطوارىء بايظ وقدامه مش اقل من شهر عشان يتغير ويتصلح ، وماقدمناش غير حلين
نموت من الجوع أو ناكل الفول والعدس بالسوس بتاعهم ..
احنا سكتنا للحظه ، واول حاجه فكرنا فيها ..
اننا هانموت من الجوع ..
طبعا رضينا بالأمر الواقع …
بقينا كل يوم قبل الأكل ، الكابتن كان يصلى صلاه مستحيل أقدر أنساها ..
كان بيقول نشكرك يارب على السوس اللى عرفنا قيمة عطائك لينا ..
كنا بنتبطر على نعمتك لغاية ما جه اليوم ومابقناش لاقينها …
كان كل واحد فينا يسمع الكلمتين دول ، كان يشوف الطبق اللى قدامه ، مش مجرد اكله عاديه لا ، دا كان بمثابة طوق نجاه من الموت ..
كان طعم الاكل لحظتها أحلى بكتير من اى اكل تانى ، لأننا بجد عرفنا قيمته ..
عدى وقت المعسكر فى أخر يوم واحنا مسافرين ، لاقينا الكابتن أجتمع بينا
وكان قدامه شوالين فول وعدس نضاف جداً صالحين للأكل ..
وقال سامحونى انى أكلتكم اكل بايظ ، بس كان لازم أعلمكم الدرس ..
طول ما النعمه قدامك على طول مش هاتعرف قيمتها غير لما تزول منك …
وأعظم مثال لينا ، الكورونا اللى إحنا فيها
كنا بنتمرد على وضعنا العادى لغاية ما بقينا مش طايلين حتى العادى ..
المعسكر كان بعنوان ..
درس في الشكر
القس / مجدى خلة
فايبر وواتس اب
009647502720873

Comments

comments

Check Also

عيش بالايمان لا بالعيان

كانت العادة ان يرسل ابونا متى المسكين احد الرهبان لدولة خارجية ليشتري معدات للدير بمئات …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55