Home / لما يعجز البشر / صعب لكن مش مستحيل

صعب لكن مش مستحيل

49106989_2476084372418321_7950144637111369728_n.jpg

صعب لكن مش مستحيل
يا صديقي اول خطوة في علاقتك بالسيد المسيح هي التسليم
كتير قوي بنصلي ونقول يارب بنسلمك حياتنا
ولكن احب اقولك ان الموضوع مش سهل زي ماحنا فاكرين
ولا هو مجرد شئ حماسي بنردده
لانك بتحارب ضد غريزتك الطبيعية الساقطة
وبتحارب ضد ماضيك وافكارك
وبتحارب ضد اللي اتربيت عليه
وضد اعتقاداتك عن الحياة وعن نفسك والآخرين وعن الله كمان
للاسف دايما هنلاقي اللي بيرجعنا لورا ويحبطنا
فاللاسف برضو بنقولها وبنعيدها كتير .. لكن مش بنقدر ننفذها بحرية وسهولة
لو الصورة سودت في وشك .. احب اقولك لااااااا
هي صعبة اه لكن مش مستحيلة مع التدريب والمحاولة وتدخل الله
وعلشان كلامنا يكون عملي اكتر ومفيد
امشي على الخطوات دي هتساعدك جداً :

1- صلي علشان الموضوع
صلي كتير ( كلم ربنا واشكيله ) انك نفسك تسيب حياتك في ايديه علشان تكسب حياتك
اتكلم معاه في نقاط ضعفك .. وعن اسباب سقوطك السريع والمتكرر
اتكلم معاه عن شوق قلبك في انك تسلم ليه حياتك

2- اكتب عن الموضوع
اكتب مذكراتك دايما وراقب ولاحظ التقدم اللي بيحصل
وخليك مركز مع المرات اللي اتمسكت بيها وماسيبتش الامور لايد ربنا تدير الامور زي ماهو عايز

3- شارك بالموضوع
اختار شخص او مجموعة تحكي معاهم على صراعاتك ومشاعرك واللي بتفكر فيه علشان يقدروا يساعدوك
موجودين علشان نساعدك.. ماتترددش تبعتلنا على الرسايل
فايبر وواتس اب
009647502720873
القس / مجدى خلة

Comments

comments

Check Also

‫المسيح والبيت‬

‫المسيح والبيت‬ ‫«بُيُوتِكُم … كأَيَّامِ السَّمَاءِ على الأرضِ»‬ ‫ ‫ لقد استقبل العالم المسيح استقبالاً …

Leave a Reply

Your email address will not be published. Required fields are marked *

Themes by themesfreedownloader.com

Themes55