Home / لما يعجز البشر / كتمان المشاعر

كتمان المشاعر

inbound8821588889002355002.jpg

كتمة مشاعر .. د.مجدي إسحق

نار تحرق ضلوعك و تنهش لحمك، انك تقعد حابس مشاعرك من غير ما تطلعها، او ماسك دموعك من غير ما تسيبها تنزل ..
عارف انك مش عاوز تطلعها ..

مش عاوز تبان قليل في عين نفسك و تبين ضعفك قدام حد ..
او خايف تتصدم في ناس لا ح تفهمك و لا تحس بيك و لا ح تسمعك من أساسه..

او عارف نتيجة كلامك من قبل ما تقوله من كتر ما اتصدمت في ناس استهانوا بيك ، و يمكن “قلبوا عليك” الكلام و طلعوك غلطان بدل ما يقفوا جنبك ..

و اديك شايل وجعك حمل علي قلبك ، و عمال تفضفض مع عقلك و تكلمه ، لانك مش لاقي اللي يجبر بخاطرك !!

شوية دروس ..
-لما تبقي تلاقي واحد بيكلم نفسه ابقي اعذره ، لانه عمل كده من حبسة مشاعره بدل ما عقله يشت و قلبه ينكسر ..

-اوعي تكسر بخاطر حد جاي يكلمك و يشكيلك او يعاتبك .. ريحه و فرحه و اسمعه و اعمله اللي تقدر عليه حتي لو بكلمة حلوة ، لانك لو كسرت بنفسه و خليت بيه ح تشيل ذنبه امام ضميرك و امام الله.

-لو تقدر تتكلم مع اللي مزعلك اعمل كده ، و انت مش مستني منه حاجة ، كفاية انك طلعت اللي مضايقك ..

-و لو مش قادر او مش عايز ، فضفض مع حد بتحبه و تثق فيه ، ح تلاقي حملك خف و راح ..

-مش لازم تستني انه يفيض بيك ، لانك مش ح تلاقي حد افضل من الله يسمعك و يحس بيك و يرطب خاطرك ..
القس / مجدى خلة
فايبر وواتس اب
00201157683231

Comments

comments

Check Also

بدلة ابني

قصه جميله وتهمك حلم عمره إنه يشتغل في هذه الشركة الكبيرة ..رايح جاي نظره عليها …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55