Home / لما يعجز البشر / وبعدين معاك يارب

وبعدين معاك يارب

FB_IMG_1641153262374.jpg

*وبعدين معاك يارب؟؟*
???????
القصه دي حصلت بالفعل يحكيها صديق:
كنت قاعد مع واحد صاحبي بندردش وبعدين جاء له تليفون وسابني شويه علشان يخلص حاجه ،وبعدين ورجع قابلني وهو بيضرب كف علي كف? ويقول
*”وبعدين معاك يا رب”* ووجهه بيضحك كده?
قولتله مالك ياصاحبي احكيلي
بدأ صاحبي يحكي
قالي اصلها قصه عجيبه كده… المهم بعد مفاوضات بدأ يحكي
قالي من ١٠ ايام فاتت واحد كلمني علي شخص محتاج ومزنوق في ٧٥٠ جنيه?،
الرقم كان كبير، بس الي كلمني ده قالي ان الشخص ده من اخوه الرب ومزنوق خالص ،

قولتله لو على الفلوس سهله، وقومت مطلع ٧٥٠ جنيه واعطيتها له??
وبعدها بدات افكر: ٧٥٠ مره واحده !!!طيب كنت اديته ٢٠٠ او ٣٠٠ جنيه? ، ،،وبعدين قولت لو علي الفلوس سهله يالا امري الي الله
يكمل صاحبي ويقول؛: بالظبط بعدها بساعتين ?جالي تليفون لشغل طلعت منه ب ١٢٥٠ جنيه في ساعه واحدة
انا قولت اهو ربنا عوض وبزياده
لكن المفاجاه وانا مروح واحد يكلمني يقولي يا فلان مزنوقين في ٥٠٠ جنيه? لحد غلبان ابنه في ثانوي عام ومجتاجهم عشان يدخل المدرسه
انا قولت له لو على الفلوس سهله ??… اصلا ربنا بعت ال ٥٠٠ جنيه من ساعه واعطيته المبلغ??
يعدي يومين و الاقي واحد محتاج ٣٠٠ جنيه،?. اروح البيت واقول مليش دعوه كفايه الي دفعته وبعدين افتكر انه *لو علي الفلوس سهله* اقوم باعت ال ٣٠٠ جنيه مع حد معرفه
تاني يوم مديري يعطيني مكافاه ٣٠٠ جنيه!!!!!!!!
صاحبي بيحكي وهو مبسوط و فرحان و مستغرب كده
قالي فضلت طول ال ١٠ ايام كل ما ادي فلوس الاقي ربنا بعتها
لحد من شويه كان معايا ٣٠٠ جنيه وبعدين عرفت ان في بيت مدخلوش اللحمه من شهرين روحت جبت ب ٢٠٠ جنيه لحمه وبعتها وقولت في سري : *خليها عليا المره دي يارب، سيبني ادفع انا حاجه*
وولما جيت وقابلتك من كام ساعه جالي مكالمة تليفونيه خليتني تركتك بسببها عشان اقابل حد يديني ٢٠٠ جنيه زياده علي ثمن شغل كنت عامله له من فتره
وساعتها لاقيتني بقول للرب *” وبعدين معاك يارب”*
صاحبي بيقولي انا بقيت بدفع لاي حد محتاج و لاي حد بيجمع فلوس لاخوه الرب وانا عارف ان الفلوس هاترجع وبطريقه غريبه
وقالي في الاخر افتكر… *لو علي الفلوس سهله*
نعم شكرا لك إلهي : *
( لِأَنَّ مِنْكَ ٱلْجَمِيعَ وَمِنْ يَدِكَ أَعْطَيْنَاكَ.)*
١أَخْبَارِ ١٤:٢٩.
القس / مجدى خلة.

Comments

comments

Check Also

دوافع الخدمة اية؟؟؟

تحديد سبب ودافع الخدمة التي أقوم بها أمر هام جدًا. كذلك معرفة المواهب الموجودة عندي …

Leave a Reply

Your email address will not be published.

 
Chat  
RadioVOH FB page Chat Online
+

Themes by themesfreedownloader.com

Themes55