الرب سدد الدين لرجل الله

ماقدرتش امسك دموعى لما قريت عن رجل الله
( ايرونسايد ) اللى كان بيشتغل فى معهد للكتاب المقدس ، وكان عليهم ( دين ) لازم يتدفع فى يوم محدد ، ولغاية اليوم ده ماكانوش اتصرفوا ودفعوا ( الدين ) اللى عليهم . كل اللى عملوه انهم اتجمعوا علشان يرفعوا عينيهم بس ويطلبوا الرب انه يتصرف هو من عنده ….. كل الناس صلت انه الرب يبعت ويسدد ( الاحتياج) لكن الاخ
( ايرونسايد) صلى صلاة غريبة ، اتحفرت فى قلوب كل اللى سمعوه …. قاله يارب انت قلت
( المزامير ١٠:٥٠ لأَنَّ لِي حَيَوَانَ الْوَعْرِ وَالْبَهَائِمَ عَلَى الْجِبَالِ الأُلُوفِ. )
. انت تقدر
( تبيع ) جزء من البهائم اللى على الجبال وتسددلنا ( الدين ) …….. وفوجئوا بعد ما خلص صلاة ان الباب بيخبط ، وواحد بيقولهم انه ربنا شغله بمبلغ معين للمعهد … ولما بيعدوا المبلغ فوجئوا انه فعلا
( نفس الاحتياج بالظبط ) ……. قالوله احكيلنا الحكاية ….. قالهم ببساطة انا ( تاجر مواشى ) والرب قالى روح بيع جزء من المواشى دى وودى المبلغ لمعهد الكتاب المقدس ………. اقول لنفسى ولكل واحد قرأ القصة دى
( يسوع المسيح هو هو امس واليوم والى الابد ) ……..
كل شىء يتغير يسوع يدوم
لما يعجزالبشر ايد يسوع قديرة
القس / مجدى خلة
فايبروواتس اب
009647502720873

Comments

comments