Home / لما يعجز البشر / عريس كامل وعروسه كامله

عريس كامل وعروسه كامله

FB_IMG_1573820167357.jpg

” مفيش شريك حياة كامل الاوصاف متفصل على مزاجك ”

هتاخدها عملية هتبقى غبية عاطفيا ومابتديش مشاعر
هتاخدها عاطفية هتكون مشاعرها السلبية مأفورة و غير مفهومة

هتاخديه مقفل و مابيفهمش فى التعامل مع الستات هيتعامل معاك بجليطة و قلة ذوق
هتاخديه مدردح و مقطع السمكة و ديلها هيجننك بالعلاقات مع الاخريات

هتاخديه طموح و شاطر فى شغله هيبقى معندوش وقت ليكى
هتاخديه مش طموح مستواكم المادى مش هيتحسن

هتاخدها بتشتغل هتأثر على نفسيتها طبعا و ممكن تبقى دايما مصغوطة
هتاخدها ست بيت هتنكد عليك و هتبقى عايزاك تملى عليها حياتها الفاضية

هتاخديه شاطر فى شغل البيت هتلاقيه بيعدّل عليكى فى كل صغيرة و كبيرة
هتاخديه مالوش فى شغل البيت هتشتكى من انه مش بيساعدك مهما كنت مطحونة

هتاخدها قارئة و مثقفة يبقى غالبا هتخوض مناقشات طويلة فى كل صغيرة و كبيرة
هتاخدها أمية لا تقرأ هتشتكى انك مش عارف تتكلم معاها

” مفيش راجل و لا ست تفصيل ”
و كل الى موجود فى السوق جاهز

و مفيش شريك حياة هتاخده و تعدله على مزاجك
لانه مش بيتقصر او بيتضيق او بيتوسع على مزاجك

الانسان السعيد فى حياته الزوجية مش هو الانسان الى شريك حياته متفصل عليه

?الانسان الراضى باللي ربنا قسمهوله
و فاهم انه محدش بياخد كل حاجة
و بيتعامل مع شريك حياته على الأساس ده
هو دا الانسان الراضى السعيد ??

الى بيعرف يركز على الموجود و يسعد بيه
و يسمح لنفسه انه يحزن على المفقود
لكن لا يحول حزنه الى معاناة تنكد عليه عيشته

كل سمة شخصية ليها مميزاتها و ليها عيوبها

حتى السمات الى كلنا مجمعين على انها حلوة ممكن تكون سلبية عند البعض

ممكن يكون واحد فوضوى متضايق جدا من مراته المنظمة
او واحدة معندهاش طموح متضايقة جدا من زوجها الطموح
او واحد مندفع بيتضايق جدا من زوجته المتريثة
او واحدة كسولة بتضايق من جوزها النشيط

افهموا الواقع
و تعاملوا معاه
بدل ما تستهلكوا نفسكم فى محاولات تعديل و اصلاح و تغيير تدمر العلاقة مع الوقت

فكل انسان فيه مميزات و فيه عيوب و الكمال الى فيه كل المواصفات الحلوة غير موجود
حقيقي بحييها ??
القس / مجدى خلة
فايبر وواتس اب و الايمو
٠٠٩٦٤٧٥٠٢٧٢٠٨٧٣

Comments

comments

Check Also

كنيسة يسوع؟؟؟!!!

كنيسة يسوع !! ? جاء للكنيسة شخص بهيئة فقيرة بدا انه متشرد .. تجول حولها …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55