إذاعة صوت الأمل الدولية الدولية international Voice Of Hope Radio
???اقوال سيدات الكتاب المقدس ?⚕
كان مره فى اجتماع سيدات الكتاب المقدس
??⚖وقفت حوا قائده الاجتماع وقالت كل واحده تقول نصيحه لكل الاخوات
وانا هابدا بنفسى
حوا قالت اوعى تصدقى الحيه هاتلدغك لدغه من الى هيه
??ساره قالت اوعى تستعجلى على وعد ربنا وتيجبى اسماعيل الله هايديكى اسحق اعظم هديه
???مرات لوط قالت ماتبصيش وراكى هاتبقى عمود ملح لو بصيتى على الدنيا الفانيه
??رفقه قالت حبى ولادك ومتفرقيش بينهم فى المعامله وقولى لكل واحد انت غالى عليا
???ليئه قالت لو انتى مكروهه الله هاينظر ليكى ويسمع زى ما سمع ليا
??راحيل قالت اوعى تاخدى طباع بيت ابوكى زى ماخدت الاصنام المخيفه
??⚖يوكابد ام موسى قالت اللى ليكى من الرب مش هايموت حتى لو فى الميه
اللى كان ابوها عايز يقتله ربته هي
??مريم اخت موسى قالت اوعى تتكلمى على اخواتك وتقولى دى وحشه ودى كوشيه عيب دا انتى نبيه
??⚖راحاب قالت هايمحى ماضيكى وانتى تحت الدم محميه
??دبوره قالت هايستخدمك وترنمى احلى اغنيه
???نعمى قالت هايرد المسلوب فى حياتك وتنسى الايام الرديه
??راعوث قالت لو انتى غريبه ابو العز هايعيشك عيشه هنيه
???المراه الشونميه قالت خدى اللى مات منك هو هايحيه ومش ممكن يندم على العطيه
??استير قالت ربنا هايحولك الشر خير وويبطل مشوره هامان الرديه
??⚖حنه ام صمويل قالت لو انتى مُره النفس صلاتك وصلت وفى استجابه الهيه
??ابيجايل قالت الحكمه تحافظ على البيت وتمنع عنه الاذيه
???ميكال بنت شاول قالت اوعى تستحقرى ولاد ربنا خليهم يفرحوا براحتهم ماتبقيش حشريه
??⚖وقفت حوا قائده الاجتماع وقالت نفسنا نسمع اخوات العهد الجديد شويه
??مريم ام يسوع قالت اتضعي يتولد فى احشائك المسيا
??⚖اليصابات قالت هايفرحك بيوحنا زى ما فرحنى انا وزكريا
??مريم المجدليه قالت هايحررك من ايد الشيطان وتكوني شاهده على القيامه البهيه
???مريم اخت لعازر قالت اسكبى الغالى عند رجليه واشتركى فى اكرامه دى قصه تتحاكه بيها البشريه
??سفيره مرات حننيا قالت اوعى تكدبى وتمثلى الايمان هاتموتى وتقعى زى ما انا وقعت وماحدش سمى عليا
???ليديا قالت ربنا يفتح قلبك زى ما فتح عليا
??لوئيس وبنتها افنيكي قال ربوا ولادكم وازرعوا فيهم الايمان وخليهم خدام وهى دى التربيه
القس / مجدى خلة
فايبر وواتس اب
009647502720873
