كن رجلا لها

FB_IMG_1582046142784.jpg

معايير الرجولة في المجتمع الشرقي

للأسف، عندنا بعض المفاهيم المشوهة والخاطئة عن الرجولة في مجتمعنا الشرقي..
بعض الأمثلة، من وجهة نظري، ما ينفعش تكون مقياس أو تعريف للرجولة:

– الرجولة مش ضرب (عشان الست لازم تتشكم)
– الرجولة مفيهاش ذل انك بتصرف عليها وعلي البيت
– الرجولة مش صوت عالي، مش فتونة، وأكيد مش شتايم
– الرجولة مش أن الست تكون خايفة منك ومرعوبة وقت الخناق
– الرجولة مش أذي نفسي وكسرِة نِفس وقهر
– الرجولة مش انك تركنها علي الرف عشان مركز في الشغل (هي ليها مشاعر وأحاسيس واحتياجات
وشاطرة اوي انها تكون السند)
– الرجولة مش مراقبة تحركات الست طول الوقت وتسلُط (لازم يكون فيه مساحة للثقة)
– الرجولة مش أنانية (حضرتك مش محور الكون عشان هي تلبي احتياجاتك وتنسي نفسها)
– الرجولة مش تعدد العلاقات النسائية ومهارات أوضة النوم
– الرجولة مش أن الست تتلغي شخصيتها (مش مسموح لها تعترض أو تناقش)
– الرجولة مش انك يكون ليك الحرية الكاملة بدون محاسبية (تختلف المحاسبية عن المحاسبة علي فكرة)
– الرجولة مش انك تكون حِمِش ومراتك تلبس بطريقة معينة مش زي “الستات التانية”
– الرجولة مش بما انك بتصرف علي البيت فيكون عندك الحرية الكاملة تعمل اللي انت عايزه، وممكن تطردها من بيتك كمان و”الباب يفوت جمل” عادي، اعتقاداً منك انها أكيد هتزعل شوية وترجع لك عشان هي اللي محتاجالك
– الرجولة انه حتي في وقت الخصام والزعل، هتحترمها، مش هيكون فيه تهديد أو إهانة انها عايشة في “بيتك” بمزاجك وبشروطك

الحقيقة هي انه فيه فرق كبير اوي بين ذكر وراجل… المولودين ذكور كتير، لكن الرجالة قليليين عشان الرجولة أفعال…
الرجولة هي:

– الرجولة احتواء وأن الست تكون سعيدة في حِماك، وتحس معاك بالأمان
– الرجولة انك تكون حاسس بيها وبمشاعرها وتعرف تراضيها
– الرجولة انه حتي لو انت مشغول عنها، لما تحتاجك تلاقيك
– الرجولة هي انك تشاركها اهتماماتك ومشاكلك وتفاصيل حياتك (هي في صفك، مش ضدك)
– الرجولة انك تشاركها اهتمامتها (مش تتفه منها)
– الرجولة انك تدلعها، تُشعرها انها أنثي
– الرجولة تقدير
– الرجولة طيبة وحنية
– الرجولة عطاء
– الرجولة احتمال
– الرجولة احترام الغير ومراعاة مشاعرهم
– الرجولة سيطرة علي النفس
– الرجولة ثقة في النفس
– الرجولة شجاعة
– الرجولة أمانة وصدق
– الرجولة التزام بالمسؤولية
– الرجولة كرم وبذل
– الرجولة محبة

سيدي الرجل، عندما لا تكون “رجل” بكل ما تحمله الكلمة من معاني، تضطر المرأة أن تقوم بدورك، وساعتها تفشل المرأة أن تكون امرأة كما تتوقعها وتُطالبها أن تكون!
سيدي، “كن رجل لها لا عليها”!
القس / مجدى خلة
فايبر وواتس اب
009647502720873

Comments

comments

Check Also

ولادته يسوع

وَلَمَّا وُلِدَ يَسُوعُ فِي بَيْتِ لَحْمِ الْيَهُودِيَّةِ، فِي أَيَّامِ هِيرُودُسَ الْمَلِكِ، إِذَا مَجُوسٌ مِنَ الْمَشْرِقِ …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55