توقيتات الرب

FB_IMG_1579064795939.jpg

توقيتات الله
قرات ان شجرة البامبو عجيبة اوي
بذرتها بتحتاج في الأول شمس ومية كتير كل يوم
ولمدة ٤ سنين كاملين مافيش لا حس ولا خبر لأن مافيش أي حاجة بتطلع
و اخيرا في السنة الخامسة تبتدي الزرعة تبان من فوق سطح الأرض
و الانبهار كله بقي ان:
في خلال ٥ أسابيع فقط بتنمو بسرعة شديدة لدرجة انه بيوصل ارتفاع الشجرة لحوالي ٢٥ متر
أصل اللي بيحصل خلال ال ٤ سنين الأوائل دول ان جذور الزرعة بتنمو تحت سطح الأرض لعمق كبير علشان تغذي و تثبت الشجرة العظيمة دي!!
لو اللي بيزرع مش فاهم طبيعة شجرة البامبو
ممكن اوي يفقد الأمل ومايكملش يعتني ويروي الزرعة
فيه حاجات كتير بنعملها في حياتنا بتحتاج صبر
وكتير بنفتكر اننا فشلنا لأن عينينا بتبقي مستعجلة عايزة تشوف نتيجة وثمر قبل أوانه ..
شجرة البامبو دي بعتتلي احلي رسالة في اول السنة الجديدة
بقالك كتير مستني حاجة تحصل؟ بقالك كتير مستني وظيفة أو استلام شقة
أو الحصول علي شهادة …
أو انتظار اي احتياج
كله في وقته لا قبل و لا بعد
توقيتات ربنا مافيهاش غلطة
في الوقت اللي بنفتكر ساعات ان ربنا ناسينا .. بيكون هو شغال في العمق بس احنا اللي مش شايفين .
+ الثقة في توقيتات الله الرائعة.
+الثقة في محبة الله الفائقة المعرفة
القس / مجدى خلة
فايبر وواتس اب
009647502720873

Comments

comments

Check Also

ولادته يسوع

وَلَمَّا وُلِدَ يَسُوعُ فِي بَيْتِ لَحْمِ الْيَهُودِيَّةِ، فِي أَيَّامِ هِيرُودُسَ الْمَلِكِ، إِذَا مَجُوسٌ مِنَ الْمَشْرِقِ …

Leave a Reply

Your email address will not be published. Required fields are marked *

 
Chat  
RadioVOH FB page Chat Online
+

Themes by themesfreedownloader.com

Themes55